 |  |
 |
Nick: ^AeNiMa^
Oggetto: re:Aiuto urgente!!
Data: 18/9/2006 22.19.15
Visite: 67
Dovrebbe essere questa:
L'OMBRA (E.De Filippo)
Pure quanno m'addormo te penzo
pecché dormo liggiero liggiero
pe' chissà te venesse 'o penziero
'e te sòsere e correre ccà.
L'ata notte in' 'o mmeglio d' 'o suonno
cu no zumpo me songo scetato:
me truvavo cu ttico abbracciato.
Era n'ombra... e che vuo' cchiù durmì!
Ma chell'ombre ca pàreno 'o vero,
ca se mòveno e fanno remmore,
ca respirano e siente 'o calore
'e nu sciato ca sciata pe' tte,
ca respirano e appannan' 'e llastre
ca po' restano overo appannàte.
Comme a dinto 'a nu cunto d' 'e ffate
tu te ncante e te miette a parlà.
«Sei venuta?» «E tu nun me vulive?»
«Neh, guardate! Mò nun te vulevo!
Sulamente ca nun 'o ssapevo
ca sarrisse venuta addu me.»
«E... te siente nu poco sperduto?»
«Nun me sento nè nterra nè ncielo»...
Tutto nzieme è scennuto nu velo
e te sento sultanto parlà.
«Damm' 'a mano», e tu 'a mano me daie,
e restammo accussì dint' 'o scuro.
Cchiú t'astregno cchiú songo sicuro
ca stu velo cchiú fitto se fa.
«Isabè», ma tu nun me rispunne.
«Isabella!», e nun sento cchiú 'a voce,
ma te sento cchiú viva e cchiú doce
quanno ll'ombra t' 'a chiamme addu te.
uahauhuauahauahuahuahah clikka qua - http://s2.bitefight.it/c.php?uid=27775
