 |  |
 |
Nick: DeK
Oggetto: Ma anche...
Data: 13/6/2005 20.39.41
Visite: 40
'O Pireto
Chiammàteme nu chiàveco,
chiammàteme fetente;
ma si faccio nu pireto
ne godo overamente.
Si magno pasta e ccicere,
nzieme cu dduie fasule,
è nu piacere a ssèntere
comme scrurreggia 'o culo.
Sarrà nu brutto vizio;
ma chi è ca nun 'o tene?
Anze, è 'o cchiù fesso 'e ll'uommene
chillo ca s' 'o mantene.
Ve sfido a contraddirmelo
ca, si nun fa rummore,
ve fa piacere 'e sèntere
'o ppucurillo 'addore.
E tutte quante, in genere,
ne fanno grande abuso;
sulo 'e signure nobbele
s'appilano 'o pertuse.
Si uno, per esempio,
tene delure 'e panza,
facenne quatto pérete
fernesce ogne lagnanza.
Appena 'o culo scàrreca
te passa tutt''o mmale,
e puose cu nu pireto
'o piso 'e nu quintale.
Si chesto nun succede,
'a panza cchiù s'abboffa
e fai na puzza seria:
se scàrreca na loffa.
Percio' , chi affoca 'o pireto
è proprio 'o rre d''e fesse,
perché 'a puzza, è logico,
se sente sempe 'o stesso.
E vizio ereditario
ca tengo da guaglione;
papà faceva 'o pireto
chiù forte 'e nu cannone.
V''o ggiuro, nun esàggero,
ca na vota, cacanno,
papà schiattaje nu càntero
e s'abbuccaje nu scanno.
E me diceva: -E inutile,
'o pireto vo' 'o sfoco:
'a puzza è chiù terribbele
si 'o caccie a poco a poco.
Te ponno pure dicere
ch'è pireto malato,
ch'è ghiuto int''a milizia
e ll'hanno rifurmato.
Ma quando tu lle scàrreche
nu pirete che vale
allora lle puo' dicere:
<< Chisto è nu generale >>
(Ferdinando RUSSO)
Non c'è più civiltà, c'è solo la politica.
