Oggetto: e' sient sti campan
Data: 7/2/2006 23.33.9
Visite: 103
AVEMMARIA
De Flaviis - Lama
'E ssiente sti ccampane?
Sònano tutte quante 'Avemmaria:
chiágnono chianu chiano...
chiammano 'o core mio pe' cumpagnía...
E io penzo ca pe' me,
'sta vita nun è vita senz''e te!
E nun cantá, Pusilleco,
canzone 'e 'nnammurate!
E' chesta 'a sola musica
p''o core mio malato....
Avemmaria,
suspira e chiagne 'sta passione mia...
Che sponta a fá 'sta luna
si nun mme trova 'nziem'a te, stasera?
Cadono, a una a una,
tutt''e speranze 'e st'ánema sincera...
Nun voglio cchiù suffrí:
sònano sti ccampane pe' t''o ddí!
E nun cantá, Pusilleco,
......................................
E comme, nun 'a siente
'sta voce mia, 'sta voce appassiunata?
Mm''o ddice pure 'o viento
ca si' 'a cchiù bella e si' 'a cchiù scellarata...
Ma si nun tuorn'a me,
io perdo 'a vita mia, perdenno a te!...
E nun cantá, Pusilleco
