Oggetto: PER TUTTI OVVIAMENTE....
Data: 8/2/2004 13.1.24
Visite: 50
permeata interamente di un pathos straordinario, storia di un uomo...
con la sua vita, il suo dolore...le sue passioni!
si riesce a percepire la speranza, ma anche il senso di rinuncia tipico dell'uomo moderno..
direi che è uno specchio dei nostri giorni napoletani..
con un tema politico intrinseco nel quale si riecheggia il senso di un socialismo che consente a chiunque di diventare anche un avvocato...nonostante figlio di contadini...
ovviamente...ti consiglio
ZAPPATOR' (bovio-albano) (interpretata rigorosamente da Mario Merola)
Felicissima sera,
a tutte sti signure 'ncruvattate
e a chesta cummitiva accussí allèra,
d'uommene scicche e femmene pittate!
Chesta è na festa 'e ballo...
Tutte cu 'e fracchesciasse sti signure...
E i', ca só' sciso 'a copp''o sciaraballo,
senza cercá 'o permesso, abballo i' pure!
Chi só'?...
Che ve ne 'mporta!
Aggio araputa 'a porta
e só' trasuto ccá...
Musica, musicante!
Fatevi mórdo onore...
Stasera, 'mmiez'a st'uommene aligante,
abballa un contadino zappatore!
II
No, signore avvocato...
sentite a me, nun ve mettite scuorno...
Io, pe' ve fá signore, aggio zappato
e stó' zappanno ancora, notte e ghiuorno!
E só' duje anne, duje,
ca nun scrive nu rigo â casa mia...
Si 'ossignuría se mette scuorno 'e nuje...
Pur'i' mme metto scuorno 'e ...'ossignuría"
Chi só'?!
Dillo a 'sta gente
ca i' songo nu parente
ca nun 'o può cacciá...
Musica, musicante!
ca è bella ll'allería...
I' mo ve cerco scusa a tuttuquante
si abballo e chiagno dint''a casa mia!
III
Mamma toja se ne more...
'O ssaje ca mamma toja more e te chiamma?
Meglio si te 'mparave zappatore,
ca 'o zappatore, nun s''a scorda 'a mamma!
Te chiamma ancora: "Gioja"...
e, arravugliata dint''o scialle niro
dice: "Mo torna, core 'e mamma soja,
se vene a pigliá ll'ùrdemo suspiro..."
Chi só'?
Vuje mme guardate?
Só' 'o pate...i' sóngo 'o pate...
e nun mme pò cacciá!...
Só' nu fatecatóre
e magno pane e pane...
Si zappo 'a terra, chesto te fa onore...
Addenócchiate...e vásame sti mmane!
