Oggetto: poesia
Data: 13/7/2007 12.41.47
Visite: 204
GUAGLIONE
Raffaele Viviani
Quanno pazziavo ò strummolo,
ò liscio, è fiurelle,
a ciacce, a mazza e pìvezo,
ò juoco d''e ffurmelle,
stevo 'int''a capa retena
'e figlie 'e bona mamma,
e me scurdavo ò ssolito,
ca me murevo 'e famma.
E comme ce sfrenàvamo:
sempe chine 'e sudore!
'E mamme ce lavaveno
minute e quarte d'ore!
Giunchee fatte cu 'a canapa
'ntrezzata, pe' fa' a pprete;
sagliute 'ncopp'a ll'asteche,
p'annarià cumete;
po' a mare ce menàvemo
spisso cu tutte 'e panne;
e 'ncuollo ce 'asciuttàvemo,
senza piglia' malanne.
'E gguardie? sempe a sfotterle,
pè fà secutatune;
ma 'e vvote ce afferravano
cu schiaffe e scuzzettune
e a' casa ce purtavano:
- Tu, pate, ll'hè 'a 'mpara'!
E manco 'e figlie lloro
sapevano educà.
A dudece anne, a tridece,
tanta piezz''e stucchiune:
ca niente maie capèvamo
pecchè sempe guagliune!
'A scola ce 'a salavamo
p''arteteca e p''a foia:
'o cchiù 'struvito, ò massimo,
faceva 'a firma soia.
Pò gruosse, senza studie,
senz'arte e senza parte,
fernevano pè perderse:
femmene, vino, carte,
dichiaramente, appicciche;
e sciure 'e giuventù
scurdate 'int'a nu carcere,
senza pute' asci' cchiù.
Pur'io pazziavo ò strummolo,
ò liscio, è ffiurelle,
a ciacce, a mazze e pìvezo,
ò juoco d''e ffurmelle.
ma, a dudece anne, a tridece,
cu 'a famma e cu 'o ccapì,
dicette. - Nun pò essere:
sta vita ha da ferni'.
Pigliaie nu sillabario:
Rafele mio, fà tu!
E me mettette a correre
cu A, E, I, O, U.
http://www.sfairos.it/poesia_viviani.htm#GUAGLIONE
LA FELICITA' E' SOVVERSIVA QUANDO E' DI TUTTI
HATE FASCISM
http://www.myspace.com/antoniorusciano /
