 |  |
 |
Nick: !!!!!^SpiKe^
Oggetto: L'angolo della poesia
Data: 17/10/2007 14.25.3
Visite: 126
'a cunfession 'e Taniello
Taniello, ch'ave scrupolo,
mo che se vo' nzurà,
piglia e da Fra Liborio
va pe se cunfessà.
- Patre,- dice, - io roseco
e pe niente me 'mpesto;
ma po' dico 'o rusario,
e chello va pe' chesto.
Patre, 'ncuollo a li femmene
campo e 'ncoppo a 'o burdello;
ma sento messe e prereche
e chesto va pe' chello.
Jastemmo, arrobbo...'O prossimo
spoglio e lle dongo 'o riesto;
ma po' faccio 'a lemmosena...
e chello va pe' chesto.
- E mo, Patre, sentitela
st'urdema cannunata:
a' sora vosta, Briggeta,
me l'aggio 'nzapunata...-
Se vota Fra Liborio:
- Guagliò, tu sì Taniello?
Io me 'nzapono a mammeta,
e chesto va pe' chello!
Marchese di Caccavone 1798 - 1873
É necessario conoscere il punto dove bisogna fermarsi,il punto al quale arrivare. Conoscendolo,si ha la tranquillità. Avendo la tranquillità,si ottiene la pace. Ottenendo la pace,si possono prendere le decisioni.Potendo prendere le decisioni, si può agire
