 |  |
 |
Nick: PERTUSOVSKI
Oggetto: feneste ca lucive
Data: 2/11/2007 12.37.36
Visite: 232
Feneste ca lucive e mo’ nun luce,
segno ca nenna mia starrà malata.
S’affaccia la surella e me lu dice:
"Nennella toia è morta e s’è atterrata.
Ce l’hanno fatto nu bellu tavuto
tutto centrelle d’oro martellato.
Si nun ce cride, va a Santa Maria,
a mana manca a la primma rivata."
Vaco a la chiesa e la truvaie ‘ntavuto:
"Nennella ca pe’ me te si atterrata,
ive dicenno ca durmiva sola.
Mo’ duorme cu’ li muorte accumpagnata.
O vierme che ce state ‘nchistu sito,
carne de Rosa mia nun ne tuccate.
Parrucchianiello mio, tienece cura,
mantienancella ‘na lampa allummata."
Chella vucchella che ghittava sciure
mo’ ietta tanta vierme! I’ che piatate!
Iette a lu ‘nfierno ca ce fuie mannato.
Tanto era chino ca nun ce capeva.
‘Mmocca a la porta ce steva Pilato.
Luoco me fece ca me canusceva.
Cchiù dinto steva la mia nnammurata
int’ ‘a ‘na caurara che vulleva.
I’ me vutaie e dicette a Pilato:
"Si nenna mia avesse fatto male,
levate a essa e mettitice a mene."
Se ce vutaie e me disse Pilato:
"Chi ha fatto ‘e peccate, sconta la pena!"
Nenna s’avota e dice: "Nun parlare!
"Mmece de m’aiutà, me daie cchiù pene!"
Essa se vota e cu’ nu mar’ ‘e chianto:
"Nun t’arricuorde l’ammore ‘nnucente?"
Me ne vogl’ire pe’ lu munno spierto,
erva magnanno comme ‘a ‘n’animale,
po’ me ne vaco dinto a li desierte,
chiagnenno sempe chesta vita cana.
Iett’ ‘a lu ‘nfierno pe’ vedé lu ‘ncanto,
e me ‘ncantaie pe’ tenere mente.
C’era ‘na nenna ch’era bella tanto,
che cummatteva cu’ lu fuoco ardente.
I’ me ce voto cu’ll’uocchie a lu chianto:
"C’he fatto, nenna, ca staie a lu ‘nfierno?"
