 |  |
 |
Nick: JaMaiKAn
Oggetto: 11 aprile 1975....
Data: 14/4/2008 18.38.0
Visite: 150
con qualche giorno di ritardo..per non dimenticare una tragedia.
Viernarì unnice aprile
'a Sant'Anastasia
nu tratto nu rummore
sentiett' 'e ch' paura.
Je ascevo 'a faticà
manc'a forza 'e cammenà
p'à via addumandà
sta botta che sarrà.
'A Massaria 'e Rumano
na fabbrica è scuppiata
e 'a ggente ca fujeva
e ll'ate ca chiagneva.
Chi jeva e chi turnava
p'à paura e ll'ati botte
ma arrivato nnanz' 'o canciello
maronn' e ch' maciello!
Din't vuliette trasì
me sentiette ' e svenì
'nterr' na capa steva
e 'o cuorpo n' 'o teneva.
Cammino e ch' tristezza
m'avoto e ncopp' 'a rezza
dduje pover' operaje
cu 'e carne tutt'abbruciat'.
Quann' arrivano 'e pariente
'e chilli puverielle
chiagnevano disperati
pè 'lloro figlie perdute.
«'O figlio mio addò stà
aiutateme a cercà
facitelo pè pietà
pè fforza ccà adda stà».
«Signò nun alluccate
ca forse s'è salvato»
e 'a mamma se và avvutà
sott' 'a terra ' o vede piglià.
Sò state duricie ' e muorte
p'è famiglie e ch' scunfuorto
ma uno nun s'è trovato
povera mamma scunzulata.
Sò arrivat' 'e tavule
e 'a chiesa simmo jute
p'ò l'urdemo saluto
p'e cumpagne sfurtunate.
P'e mmane nuje pigliammo
tutti sti telegrammi
sò lettere 'e condoglianze
mannate pè crianza.
Atterrà l'ajmm' accumpagnat'
cu arraggiar'a 'ncuorpo
e 'ncopp' 'a chisti muort'
giurammo ll'ata pavà...
E chi và 'a faticà
pur' 'a morte addà affruntà
murimm' 'a uno 'a uno
p'e colpa 'e 'sti padrune.
A chi ajmma aspettà
sti padrune a' cundannà
ca ce fanno faticà
cu 'o pericolo 'e schiattà.
Sta ggente senza core
cu 'a bandiera tricolore
cerca d'arriparà
tutt' 'e sbagli ca fà.
Ma vuje nun'ò sapite
qual'è 'o dolore nuosto
cummigliate cu 'o tricolore
sti durici lavoratori.
Ma nuje l'ajmm' capito
cagnamm' sti culuri
pigliammo a sti padrune
e mannammel' 'affanculo.
E cu 'a disperazion'
sti fascisti e sti padrune
facimmo un ' muntone
nu grand' fucarone.
Cert' chisto è 'o mumento
e 'o mumento 'e cagnà
e 'a guida nostra è grossa
è 'a bandiera rossa.
Compagni pè luttà
nun s'adda avè pietà
me chesta è 'a verità
'o comunismo è 'a libertà.
La prohibicion es un bisnes
La droga existe y no la vas a eliminar, la solucion consiste en legalizar
