Zéngara ca vace fujenne, chesta si tun,
ca po' mmunno vaje cercanno furtuna.

E ppe' tte sta a dderete, je ca nun so' nisciuno, 
me fa male 'a meuza e rresto riuno.
Me votto dinto 'o sciume addo nun ce stanno guagliune
e addivento capitone miezo e capituni.

Tu te 'nfunni e 'e me t'adduni, ma nu ttengo ciorta
tu continui a ccammina' pa via ca te porta.
Je pure ambresse me sfastério e sscavezo me ne iesco
ma accumincio a 'nciampecà e ppe' m' assittà fernésco.

Stu core scarrubbato te voce sulo accarezzà
però m'haia aiutà, si tu che l’haia pulezzà.
Auna sti cianfrusaglie, levame sta póvera a cuollo
famme addiventa' bello e nno pe' ffa 'o buffunciello.

Nun è nnu iuoco, pe' ccarità nu cciatà
ausulea chella che te voglio cuntà.
Còzzeca nun si, ma na cózzeca tieni,
che è ttosta a scassa' e ccu mme te ne vieni?

'O bbì lloco me so ’nzallanuto, je song chiachiéllo
e nnu m'arrisico a to addummanà, pecciò rammìllo.
Chino è addivintato 'o tiraturo che ciuri ca te volevo appresentà
ma fécato nun ne tengo, pecciò a sti parole fatte cunnulià.

Muscìllo che pazzea co gliuòmmero, chisto songo!
'E suricilli acchiappati, dint a panza me tengo.

Ad una ragazza semplice e sensibile dal cuore generoso, grazie per la tua considerazione.