 |  |
 |
Nick: Strider
Oggetto: multimedia non cliccare
Data: 7/4/2009 23.26.56
Visite: 161
Zitemo a Miseno cumannava flotte e ligioni
chillu juorno ca mammema avvistaie nu nuvulone
gruosso comm' 'a montagna, comma n'albero 'e pino
s'allargava cu 'e ranfe, 'o mare nu ciardino.
Nu bagno 'e sole e n'ato d'acqua fredda
dateme 'e sandali voglio ascì!
Ma che succere facitem capì!
Appriparateme na libburna!
Chesta è 'a lettera 'e n'amico
pe chi sta 'e casa llà
'a nave l'unica via.
Nuvola janca,nuvola sporca
nuvola 'e terra ca nun bussa 'a porta,
nuvola 'e prete, nuvola 'e fuoco,
nuvola 'e cenere, nuvola storta.
… e l'aspettaine a braccia aperte
comm' 'o vient pe partì
e s'assettaiene a ttavola sott' 'a chell'ira 'e Dio.
Doppo magnato e vippeto,
'ncapo 'e cuscini 'ncoppo 'e mmane
d' 'o cielo uno 'e tutto,
terra ca tremm 'a mmare
e pò l'addore d' 'o zzolfo
te dice 'o ffuoco c'arriva
e chian 'o respiro l'vene a mancà 'a vita,
'ncoppo a nu panno stiso,
nu surso 'e luna stracqua,
s'addurmette pe sempe accarezzann l'acqua.
Nuvola janca, nuvola sporca,
nuvola 'e terra ca nun bussa 'a porta,
nuvola 'e prete, nuvola 'e fuoco,
nuvola 'e cenere, nuvola storta.
D' 'a lettera 'e Plinio 'o Giovane, parlann a Tacito d' 'o Zio
Ercolano, Pumpei... 'o Vesuvio quann ascette a 'mpazzì
Nuvola janca, nuvola sporca
nuvola 'e terra ca nun buss 'a porta,
nuvola 'e prete, nuvola 'e fuoco,
nuvola 'e cenere, nuvola storta.
Una macchina veloce, l'orizzonte lontano e una donna da amare alla fine della strada.
