Nick: DE_SADE
Oggetto: poesia napoletana
Data: 16/11/2004 21.24.11
Visite: 150
Da 'o quarto piano
giacchè te cucche ampresso
pe te scetà matina,
e st'aria fresca e fina
t'affacce a risciatà;
giacchè chi sa che suonne
te suonne ancora, e, spierte,
tu gire st'uocchie apierte
chi sa penzanno a che;
dimme, Adelà, mme vide,
a st'aria fresca e fina,
passà quacche matina,
e 'a parta toia guardà?
C' 'o càmmese celeste
ca te se sponta mpietto
e, quase pe dispietto,
nun se vo' maie nzerrà:
c' 'o pède piccerillo
ca, 'int 'a cazetta nera,
p' 'e fierre d' 'a ringhiera
mo dice si, mo no;
ca tu staie quase ncielo
ncopp' a stu quarto piano,
che fa? Pure 'a luntano
te veco, e dico: "'a i'llà!".
Ma mo (scuse, io so' chiaro),
nu' cchiù comm'a na vota
sbatte stu core e avota
sta capa mia pe te!
Passo, chi 'o nnega? E' overo;
ma si te tengo mente
so friddo e indifferente,
comme si' fredda tu.
Chest'è! Nziemme a sti fronne
ca fa cadè l'autunno,
quant'ate cose a o' munno
pe forza hanna cadè!
Dunque? giacchè cchiù ampresso
te suse ogne matina,
e st'aria fresca e fina
te miette a risciatà;
giacchè tutto è fenuto,
giacchè, si ce vedimmo,
nun ce sbullimmo e ardimmo
comm'a na vota cchiù,
statte affacciata! E resta
cu st'aria indifferente:
passeno tanta gente,
passo pur'io. Che fa?
Salvatore Di Giacomo |
poesia napoletana 16/11/2004 21.24.11 (149 visite) DE_SADE
re:poesia napoletana 16/11/2004 21.44.10 (41 visite) `CaReLia