24 grana

Vai alla freccia - Homepage - BlogRoom - Mappa
Visualizza Messaggi.

Nick: SDV75
Oggetto: 24 grana
Data: 26/11/2004 15.55.10
Visite: 86

Introdub

Chiudo ll’uocchie e m’invento ‘sta pace
resta ‘o scuro cchiù forte ‘e ‘na luce
dinto ‘o cuollo me sento nu fuoco
ca nun po sfugà
mesco sudore a cavero e suonno
croste tremmore e appena m’addormo

Patemò cammina chiano chiano
je cu ‘e mmane innanze all’uocchie
pe’ paura ‘e guardà
"chi nun tene vizi more sano"
mette ‘a capa indo a caiola pe’ paura ‘e sbaglià

‘ncoppo all’asteco songo sul’je
dimme addò vaje

Chiudo ll’uocchie pensanno a chi trase
addorando addò sento ‘cchiù cose
dico sempre a chi cerca ‘na scusa
ca nun basta maje
ancora friddo sudore po’ cavero a bomba
luce cchiù lluce se ‘nchiommano ‘nfronte

aggio vummecato annanzo all’ate
peste curaggio e paura’e guardà
mo’ songo crisciuto senza ciato
stongo chino ‘e rrobba e nunn’ a saccio smercià

‘ncoppo all’asteco songo sul’je
dimme addò vaje

lasso tutto e addivento ‘na pace
resta ‘o scuro che è mmeglio e ‘na luce
stanno dinto nun tremmo
e chist’occhie nun tremmano maje
perdo colore e perdo ‘e cuntuorne
lasso ‘a sustanza pe’ ddiventà ‘n’ombra

stongo cammenando senza ‘e mmane
stongo cammenando e nun me voglio truvà
"chi nun tene vizi more sano"
se n’esce ind’a caiola cu ‘o ggenio e vulà

‘ncoppo all’asteco songo sul’je
dimme addò vaje.