Nick: RASTA
Oggetto: Ferdinando Russo
Data: 3/1/2005 3.48.1
Visite: 67
IDILLIO ‘E MMERDA
Nu juorno ‘na cacata sulitaria,
meza annascosta dint’ ‘a nu sentiero,
c’ ‘o sole ‘e luglio e c’ ‘o profumo ‘e ll’aria
s’annammuraie d’ ‘o strunzo ‘e nu pumpiero.
Essa era tonna, acconcia, piccerella,
isso era niro, gruosso, frisco frisco;
essa era fatta a fforma ‘e cuppulella,
isso rassumigliava a n’obelisco.
E, cu ll’intermediario ‘e nu muscone,
na bella sera tutta profumata,
‘o strunzo avette ‘a dichiarazione
d’ammore d’ ‘a cacata nnammurata.
Isso era nato sotto mala stella,
ca maje nisciuno l’aveva guardato…
Vulette bene a chella cacatella
Cchiù assaie d’ ‘o culo ca l’aveva cacato.
Ma stevano luntano; e sulo ‘a luna,
e sulo ‘e pprete e sulo ‘e ffrasche verde
sapevano ‘e turmiente, a uno a uno,
‘e chilli duje sperdute piezze ‘e mmerda.
E na matina, erano verso ll’otto,
nu cato d’acqua ‘a coppa ‘a fenesta
facette comm’ ‘o libbro galeotto
‘e ‘onna Francesca e Paolo Malatesta.
Benedicenno nzieme chella secchia,
s’astringettero forte, erano sule:
essa lle regalaje na pellecchia,
isso lle relagaje dduje fasule.
Chiano, sciulianno dint’a ll’acqua felice,
cu ‘nu curteo ‘e muschille int’ ‘o sentiero,
sotto ‘o sole, ‘a cacata ‘e stiratrice
se mmariteje c’o strunzo d’ ‘o pumpiero.
E in viaggio ‘e nozze stettero abbracciate
Mmiez’a dduie piezze ‘e cantere scassate.
Ferdinando Russo
|
Ferdinando Russo 3/1/2005 3.48.1 (66 visite) RASTA
re:Ferdinando Russo 3/1/2005 3.52.59 (16 visite) F-Killer