Oggetto: VOGLIA 'E TURNA' ...
Data: 27/2/2005 20.18.50
Visite: 93
Voglia 'e turnà, e voglia 'e verè,
comme 'o tiempo po' arrubbà
tutte e culure int'a via.
E giro p'a città e vago a cercà
uocchie comme aulive nere
che guardano senza parlà.
Terra che nun vo' durmì e nun vo' cagnare
terra addò abbruciano 'e parole,
viento che nun 'e po' stutà.
Voglia 'e turnà, din't 'e vicoli 'e sta città
varda e ride e te vo' tuccà, nun se ferma mai…
voglia 'e verè, notte e juorno te fa cantà
chest'è Napule d'o cafè, nun te può sbaglià.
E che sarà, che nun vo' fernì,
come 'na malincunia a voce me fa tremà
forte se fa sentì e doce accussì,
pe chi vene e vò truvà na scusa pecchè vò restà
E mo' chi 'o ssape cumm'è ma io nun me scuordo mai
sole che abbrucia 'o malamente, acqua che scenne pe' lavà.
Voglia 'e turnà, din't 'e vicoli 'e sta città
varda e ride e te vo' tuccà, nun se ferma mai…
voglia 'e verè, notte e juorno te fa cantà
chest'è Napule d'o cafè, nun te può sbaglià
