Nick: PePeRoSSo Oggetto: A' LIBERTA' Data: 27/4/2003 16.18.29 Visite: 30
P'a strada sento spisso mocc'a gent chesta bella parola:Libertà! Io so'gnurante, nun capisco niente, vurrie sapè che vò significà. Embè, l'aggiu spiato o scupatore: Dimme nu poco ma 'o sapisse tu? "E n'arma mmane a nu lavoratore, si mò vulesse nun scupasse chiù Chest'arma nce l'avimmo conquistato, cu 'o sciopero, cu 'a lotta e cu'o sudore, si voglio vaco 'ncopp 'o sindacato e faccio lincenziare all'assessore! Ma chest'è a discapite d'a gente, senza scupà se piglie n'infezione, te piglie 'a libertà, ma certamente 'nzieme cu' te s'ha piglia l'embrione Mentre aspettavo 'o mezzo na cuppietta, strignute, forse pe se fà vedè, isso cu' e mane dint'a camicetta, essa ho vasava e pò guardava a mè. Siccome nu sò guardone, so 'nurmale, nun me fir'e vedè sti purcarie, 'a libertà va bene niente 'e male, ma tu te piglie 'a toia e me lieve 'a mia! Avimmo fatto na cunfusione, 'a libertà è ammore, sentimento... Nun è 'a licenza pè nu spurcaccione, nun è 'a patente pe 'nu delinguente. 'Ncopp'o vocabolario 'nce stà scritto che vvò significà stà libertà: "Campà è un sacrosanto tuo diritto, però he i 'annanze cu' e capacità... V. Giandomenico |