 |  |
 |
Nick: Fake
Oggetto: Le Malinconie
Data: 13/1/2004 20.4.15
Visite: 81
A GIACOMO LEOPARDI ...
Na tanfa 'e 'nchiuso, n'aria 'e campusanto
spannette tuorno tuorno, addo' 'a jettaste,
sta rimma toja, muféteca e ammurbanta
chiena 'e patenze, tutta mierche e gnaste...
Avisse scritto maje: « stono in salute,
oggi mi sento il cuorio in allecrìa... »
Niente: na mutria eterna, nu tavùto,
na morta 'ncuollo a ogne passo 'e via...
L'ommo fuj' fatto ca nu surzo doce
sott' 'o cantaro 'e fele pure 'o trova:
à vita nun è maj' tutta na croce:
e pure tu n'avist 'a 'vé na prova...
E invece no! Chissà che te custava
d'ausà pure 'a panella assiem' 'a mazza!
E mo vulisse ca scrivesse « Bravo! »?
Ma va fa nculo! Nun ce scassà 'o cazzo...
(da "L'inferno della Poesia Napoletana")
