Nick: Bostik
Oggetto: Bammenella
Data: 10/11/2003 17.37.24
Visite: 34
ecco qui ,P (rigoroso copiaincolla)
o' "Bammenella" 'e copp' 'e Quartiere;
pe' tutta Napule faccio parla'
quanno annascusa p' 'e vicule, 'a sera,
'ncopp' 'o pianino me metta a balla'.
Veco 'a 'mbulanza, 'int'a niente m' 'a squaglio!
E si m'afferra me torna a lassa'!
'Ncopp' 'a Quistura, si 'e vvote ce saglio,
è pe' furmalità.
Cu 'a bona maniera
faccio cad'e 'o brigadiere
piglio e lle vengo 'o mestiere:
dico ca 'o tengo ccà.
'O zallo s' 'o mmocca,
l'avota 'a capa e s'abbocca,
ma nun appena me tocca,
me n'ha da manna'.
Me fanno ridere cierti perzone
quanno me diceno: Penza p''e tte!
Io faccio 'ammore cu 'o capo guaglione
e spengo 'e llire p' 'o fa' cumpare'.
Sto sotto 'o debbeto, chisto è 'o destino:
ma c'è chi pava, pirciò lassa fa'.
Tengo a nu bello guaglione vicino
ca me fa rispetta'!
Chi sta 'int' 'o peccato
ha da tene' 'o nnammurato
ch'appena doppo assucciato
s'ha da sape' appicceca'.
E tutte 'e sserate,
chillo m'accide 'e mazzate!
Me vo' nu bene sfrenato,
ma nun 'o dà a pare'!
Mo so' tre mise ca 'o tengo malato,
sacci'io che spenno pe' farlo sana'!
Però 'o dottore cu me s'è allummato,
pe' senza niente m' 'o faccio cura'.
E tene pure 'o mandato 'e cattura.
Priesto 'a 'mbulanza s' 'o vene a piglia'.
Io ll'aggio ditto: sta' senza paura,
pe' tte ce stongo io ccà!
Cu 'a bona maniera
faccio cade' 'o brigadiere.
Mentr'io lle vengo 'o mestiere,
isso have 'o canzo 'e scappa'.
Pe' mme 'o 'ssenziale
è quanno me vasa carnale.
Me fa scurda' tutt' 'o mmale
ca me facette fa'!
|
Schiara `gliuorno 9/11/2003 23.8.34 (178 visite) SaNtIaGo`
re:Schiara `gliuorno 9/11/2003 23.15.2 (48 visite) AnJeLiCa
