Nick: insize
Oggetto: RIDATECI I SOGNI
Data: 7/7/2004 10.27.42
Visite: 104
tratto da : Ridateci i sogni, di Peppe Lanzetta
Messico napoletano
Comme è longa ’sta controra
ma che cavere ce mena
e a ’sti mosche appiccicose
manco ’o spray ce fa coccosa.
’Nda ’stu vino cu ’a gassosa
ce mettesse tutte ’e paure ’e
chi po’ quanno se scete
nun vulesse famme e sete.
Ce mettesse tutte ’sti mamme
ca se chiammano a ’sti figli
e cu ’a morte fanno ’a corsa
fanno ’a corsa a chi s’he piglia.
Questo ragazzo della via Gluck
mo’ tene ’e vene attaccate cu ’o scotch
tene ’na sonda tutta ’ndo naso
nun vede e nun sente, nun se ricorda cchiù ’a casa.
L’hanno acchiappato sotto ’a stazione
mmiezo ’e cliente d’ ’a pensione Eroina
’a gente passava guardava e fujeva
e areto ’e lente Gaetano chiagneva...
...ma pure ’stu drogato è stato piccerille
e ’a mamma se lo stringeva ’mpietto
’lle deve ’o latte.
Quanno me faccio gruosso faccio ’o pilota
voglio vula’ mmiezo ’o cielo e cchiù ’e n’aria.
Ma chisto aereo nun è mai partito, nun è mai arrivato
Gaeta’... ch’è succieso?
Chest’eroina ca te fotte ’e pensieri t’abbrucia ’e capille
mentre tu allucche e strille...
Comme coce ’sta città
ma che cavere che ffa
’nda ’sta Napule messicana
’nda ’stu Messico napulitano.
’Ncoppo ’o lietto nun se po’ sta’
’e lenzuola so’ bagnate
tengo ’o core tutto sudato, ’na siringa ca m’aspetta
chesta vita nun sape ’e niente, tutte ’e juorne ’e stesse ccose
si mo’ abbrucio ’sti pensieri, danno ’a colpa all’overdose.
Per Gaetano |
RIDATECI I SOGNI 7/7/2004 10.27.42 (103 visite) insize
re:RIDATECI I SOGNI 7/7/2004 13.10.25 (7 visite) Bellella